കൂട്ടുകാരന്റെ പ്രണയം കണ്ടപ്പോൾ എനിക്കും ഒരു മോഹം ഉദിച്ചു പ്രണയിക്കണമെന്ന്.. പക്ഷെ പ്രണയിക്കാൻ ഒരു പെണ്ണ് വേണമല്ലോ... അതായിരുന്നു ഇല്ലാത്തത്....
സിനിമയിലെല്ലാം കാണുന്ന പോലെ ആദ്യനോട്ടത്തിൽ ഒരു പെൺകുട്ടിയെ ഇഷ്ടമായാൽ ചുറ്റും ചിത്രശലഭങ്ങളും ബാക്ക് ഗ്രൗണ്ട് മ്യൂസിക്കും എല്ലാം കാണും എന്നാൽ എന്റെ കാര്യത്തിൽ അങ്ങനെ ഒന്നും ഉണ്ടായില്ല....
പിന്നെ നാട്ടിൽ നല്ല പുള്ളി ചമയാൻ ശ്രമിച്ചത് കൊണ്ട് നാട്ടിലെ നല്ല പെൺകുട്ടികളെ എല്ലാം ആൺ കുട്ടികൾ കൊണ്ടു പോയി....
പിന്നെ മനസ്സ് അറിഞ്ഞു ഒരുത്തിയെ സ്‌നേഹിക്കാം എന്ന് കരുത്തിയപ്പോൾ എനിക്ക് വേണ്ടി മനസ്സ് തുറന്ന് ഒരുത്തിപോലും വരുകയും ചെയ്തില്ല....
അപ്പോഴേക്കും ഏത് കൂട്ടുകാരന്റെ പ്രണയം കണ്ടിട്ടാണോ എനിക്ക് പ്രണയിക്കാൻ മോഹം ഉദിച്ചത് അവന്റെ പ്രണയം തകർന്നടിഞ്ഞു... അവന്റെ അവസ്‌ഥ കണ്ടപ്പോൾ പിന്നെ എന്റെ പ്രണയിക്കണമെന്ന മോഹം അവിടെ അവസാനിച്ചു....
പിന്നെയാണ് മനസിലായത് ജീവിതത്തിൽ ഒരു തവണ പ്രണയിക്കണം അത് വിവാഹം കഴിക്കുന്ന പെണ്ണിനെ ആകണമെന്ന്...
വിവാഹം കഴിഞ്ഞു ആദ്യ രാത്രിയിൽ ഒരു ചെറിയ നാണത്തോടെ ഒരു ഗ്ലാസ് പാലുമായി വരുന്നത് മുതൽ തുടങ്ങുന്ന പ്രണയം കിഴക്കെ പറമ്പിൽ കൂട്ടുന്ന മാവിന്റെ ചിതയിൽ രണ്ടു പേരും എരിഞ്ഞു തീരുമ്പോൾ മാത്രം അവസാനിക്കണം ആ പ്രണയം...
Note- നമ്മൾ ഭൂരിഭാഗം പേരും പ്രണയിക്കുന്നത് കൂട്ടുകാരെടെയും സിനിമയിലെയും പ്രണയം കണ്ടിട്ടാണ്... ഇന്നത്തെ കാലത്ത് പ്രണയം എന്നാൽ സ്റ്റാറ്റസിന്റെ സിംബൽ ആയിരിക്കുന്നു... ഒരു പ്രണയം ഇല്ല എന്നാൽ അതിനർത്ഥം അവന്\അവൾക്ക് എന്തോ കുറവുകൾ ഉള്ള പോലെയാണ് ഇന്നത്തെ സമൂഹം നോക്കി കാണുന്നത്..
പ്രണയമില്ല എന്നാൽ അവർക്ക് കുറവുകൾ ഉണ്ട് എന്നല്ല... അവർക്കും ആഗ്രഹങ്ങൾ ഉണ്ട് അത് ജീവിതത്തിൽ സ്വന്തമാക്കുന്നവരുടെ മുന്നിൽ തുറക്കാനായി കാത്തു വച്ച പ്രണയ പുസ്തകമാണ്....
അവർ അവരുടെ ആ പ്രണയം ഒരാൾക്കായി മാത്രം കാത്തു സൂക്ഷിക്കുകയാണ്.... അത് പലർക്കായി വീതിച്ചു കൊടുക്കാൻ അവർ തയ്യാറല്ല എന്നതാണ് സത്യം..
No comments:
Post a Comment